Geograf Саб Јан 30, 2010 10:24 pm
Претпоставуваме дека на повеќето ви е позната легендарната реплика од серијалот 'Ѕвездени патеки' - Beem me up Scoty, која филмските јунаци ја користат кога го повикуваат инжинерот од бродот да ги телепортира. Технологија која овозможува во рок од неколку секунди да ги пренесе луѓето на дистанци од многу киломтри.
Нормално, ова звучи многу нереално, но како што Жил Верн ја предвиде подморницата во книгата '20 000 под морето', зошто тогаш да не веруваме дека и телепортацијата може да се преточи во стварност.
Минатиот месец, д-р Мичиу Каку, професор по теоретска физика на Градскиот универзитет во Њујорк, САД, и копронаоѓач на Теоријата на струните беше во Бристол, Англија на фестивалот на идеи. Тој таму изнесе неколку тврдења дека невозможното и не е толку невозможно како што изгледа на прв поглед.
Доктор Каку изјави дека фотони се веќе телепортирани! Во Виена една состојба на фотон е телепортирана преку Дунав цели 600 метри! Следната голема работа би била да се пренесе на ваков начин е цел атом. Професорот смета дека за неколку години ќе биде возможно од една во друга точка да се телепортира цел вирус. Да се примени процесот на поголеми објекти, како луѓе, на пример, е сосема возможно. Според научниците, тоа е чисто инжинерски проблем, кој ќе се реши со тек на времето.
Инаку, професор Каку работи на својата нова книга 'Физика на невозможното'. Тој смета дека телепортацијата, телепатијата, полињата на моќ и невидливоста спаѓаат во невозможности од класа 1, појави кои човекот може да ги оствари за максимум едно столетие, најверојатно за неколку декади.
Во однос на невидливоста, тој тврди дека истражувачите на универзитетот 'Дјук' во Северна Каролина, САД, употребиле печатени плочки за да ги пренасочат микробрановите со цел да создадат област невидлива на радар. Тоа многу лесно може да биде проширено и на видливиот спектар.
Професорот смета дека уште сега може да се изработат математеријали, односно егзотични композити, кои ќе ги искривуваат светлинските бранови. Како класа 2 Каку ги смета патувањето во време, паралелни универзуми и движење со брзина поголема од онаа на светлината. Тој смета дека за да се решат овие работи, ќе треба неколку столетија, дури можеби и цел милениум.
Како класа 3 невозможности, Каку ги споменува:перпетум - мобиле и претскажувањето на иднината(прекогниција). Тие се навистина невозможни, бидејќи се спротивни со основните закони на физиката, каква што се подразбира денес.
Тоа е добра вест за илјадниците аналитичари, футуролози, гатачки и бајачки, бидејќи ако невозможностите од 3 класа се навистина неостварливи во некој разбирлив временски период, вредноста на нивниот труд ќе биде поголема! А сега Beem me up Scoty!